1 Introdución

Defínese como vivenda de uso turístico (VUT) aquela que é cedida a terceiras persoas de xeito reiterado e a cambio dunha contraprestación económica. Estas cesións fanse para estadías inferiores a trinta días consecutivos en vivendas que se atopan equipadas e con todas as características establecidas por vía regulamentaria. As vivendas de uso turístico teñen ademais a peculiaridade de que poden ser ofertadas por particulares na súa propia vivenda.

Segundo o Rexistro de Empresas e Actividades Turísticas de Galicia (REAT), en setembro de 2025 existen en Galicia 32.915 aloxamentos turísticos, dos cales 28.539 son vivendas de uso turístico. A evolución do número de vivendas de uso turístico nos últimos meses compróbase na anterior gráfica que reflicte a evolución do seu número fronte ao resto de tipos de aloxamento que se recollen dentro do REAT (Hoteis, Aloxamentos de turismo rural, Apartamentos turísticos, …).

Na actualidade as vivendas de uso turístico representan o 86,7% do total da oferta de aloxamentos, e recollen o 49,7% das prazas, estando presentes nos diferentes concellos de Galicia.

2 VUT segundo o número de prazas

As vivendas de uso turístico son o tipo de aloxamento turístico que ofrece de media un número de prazas por aloxamento menor que outras tipoloxías (5,4 prazas por aloxamento).

A pesar diso, as vivendas de uso turístico contan co maior número de prazas ofertadas sobre o total de aloxamentos (49,7 %), seguido polos hoteis (19%) e os campamentos turísticos (11,5%).

3 Análise xeográfica

3.1 Provincias

Tendo en conta as provincias, a que concentra un maior número de vivendas de uso turístico é a provincia de Pontevedra cun 47,8% das vivendas e o 47,8% das prazas totais. A seguinte figura reflicte o reparto do número de aloxamentos e prazas correspondente ás vivendas de uso turístico para cada unha das provincias galegas.
Porcentaxe de aloxamentos e prazas por provincia
Provincia Vivendas Prazas
PONTEVEDRA 47,8 % 47,8 %
A CORUÑA 33,7 % 34,1 %
LUGO 14,4 % 14,3 %
OURENSE 4 % 3,9 %
GALICIA 100 % 100 %

3.2 Zonas turísticas

En termos de zonas turísticas, atópase unha maior concentración na zona Ría de Arousa e O Salnés na que se localizan o 23,8% das vivendas de uso turístico de Galicia. As cinco zonas co maior número de vivendas deste tipo, representan o 70% do total de toda Galicia, o cal indica a concentración xeográfica das vivendas de uso turístico. Pola súa parte, o número medio de prazas por vivenda segundo zona, varía pouco tendo en conta a zona turística analizada.

Porcentaxe de aloxamentos segundo zona turística e número de prazas
Xeodestinos 1 ou 2 prazas 3 ou 4 prazas 5 ou 6 prazas Máis de 6 prazas Media de prazas
A CORUÑA E AS MARIÑAS 7,9 % 37,3 % 35,7 % 19,1 % 5,3
ANCARES - COUREL 8,1 % 24,3 % 36,5 % 31,1 % 6
CELANOVA - LIMIA 8,1 % 28,8 % 27,9 % 35,1 % 6,2
COSTA DA MORTE 5,8 % 38,1 % 35,7 % 20,4 % 5,4
DEZA - TABEIRÓS 3,6 % 25,1 % 28,1 % 43,1 % 6,9
FERROLTERRA 6,2 % 35,7 % 37,3 % 20,8 % 5,5
LUGO E A TERRA CHÁ 5,7 % 30,7 % 37,8 % 25,8 % 5,6
MANZANEDA - TREVINCA 12,7 % 31 % 35,2 % 21,1 % 5,4
MARIÑA LUCENSE 5,7 % 41,5 % 35,5 % 17,3 % 5,2
O RIBEIRO 11,5 % 31,8 % 26,6 % 30,2 % 5,6
RIBEIRA SACRA 10,1 % 29,6 % 34,9 % 25,4 % 5,6
RÍA DE AROUSA E O SALNÉS 5,6 % 38,5 % 36,6 % 19,3 % 5,4
RÍA DE MUROS E NOIA 5,9 % 33,2 % 34,9 % 25,9 % 5,7
RÍA DE VIGO E BAIXO MIÑO 13,1 % 36,7 % 29,4 % 20,8 % 5,2
RÍA E TERRAS DE PONTEVEDRA 6,3 % 32,6 % 39,2 % 21,8 % 5,5
TERRAS DE OURENSE E ALLARIZ 14,7 % 40,4 % 29,3 % 15,6 % 4,8
TERRAS DE SANTIAGO 7,2 % 30,2 % 35,5 % 27,1 % 5,8
VERÍN - VIANA 12,5 % 31,2 % 18,8 % 37,5 % 5,4
MEDIA GALICIA 7,6 % 36,4 % 35 % 20,9 % 5,4

3.3 Concellos

Analizando o reparto por concellos, destaca o concello de Sanxenxo que aúna o 11,1% do total de prazas, seguido de Vigo cun 7,3% do total de prazas en vivendas de uso turístico de Galicia.
Concellos segundo o número de prazas en vivendas de uso turístico
Concello Prazas en VUT Porcentaxe do total
SANXENXO 17.116 11,1%
VIGO 11.241 7,3%
A CORUÑA 6.788 4,4%
O GROVE 4.447 2,9%
FOZ 3.880 2,5%
SANTIAGO DE COMPOSTELA 3.690 2,4%
CANGAS 3.615 2,4%
VILAGARCÍA DE AROUSA 3.244 2,1%
POIO 2.992 1,9%
BARREIROS 2.782 1,8%
BAIONA 2.715 1,8%
VIVEIRO 2.577 1,7%
NIGRÁN 2.575 1,7%
PONTEVEDRA 2.561 1,7%
RIBEIRA 2.524 1,6%

3.4 Superficie e poboación

A concentración das vivendas de uso turístico estúdiase agora segundo dúas variables: A superfice e o número de habitantes do concello. Tendo en conta o número de prazas por quilómetro cadrado do concello, Sanxenxo é o que máis destaca, con 379,7 prazas por quilómetro cadrado, seguido de O Grove e A Coruña con 203,2 e 179,4 prazas por quilómetro cadrado respectivamente.

Concellos cunha maior concentración de prazas por quilómetro cadrado
Concello Prazas/km2
SANXENXO 379,7
O GROVE 203,2
A CORUÑA 179,4
A ILLA DE AROUSA 151,4
BURELA 144,3
VIGO 103,1
CORCUBIÓN 99,2
CANGAS 94,9
MONDARIZ-BALNEARIO 88,3
POIO 88,2

As seguintes figuras representan o número de prazas en vivendas de uso turístico por cada mil habitantes, dentro dos cales o concello que máis destaca é Sanxenxo, con 955,5 prazas por cada mil habitantes, seguido de Barreiros e Carnota con 918,2 e 549,2 prazas por cada mil habitantes respectivamente.
Concellos cunha maior concentración de prazas por cada mil habitantes
Concello Prazas cada 1.000 habitantes
SANXENXO 955,5
BARREIROS 918,2
CARNOTA 549,2
FISTERRA 493
O VICEDO 444,9
O GROVE 411
CORCUBIÓN 385,6
FOZ 380,5
MAÑÓN 368,8
LAXE 312,4

3.5 Grao de urbanización

Para levar a cabo o estudo tendo en conta o grao de urbanización dos concellos, divídense estes en tres grupos diferenciados, tal e como propón o IGE (GU 2016): Zonas Desamente Poboadas (ZDP), Zonas Intermedias (ZIP) e zonas Pouco Poboadas (ZPP). Tal e como se recolle na seguinte figura, o 52,6% das prazas atópanse en zonas intermedias (zip).

4 Estudo da competencia

As “Vivendas Turísticas” e os “Apartamentos Turísticos” son as tipoloxias de aloxamento cunhas características similares ás “Vivendas de Uso Turístico”, motivo polo cal se poden considerar como competidores próximos das mesmas. A seguinte figura representa a comparativa entre os diferentes tipos de aloxamento dentro desta competencia. As vivendas de uso turístico son o 97,5% dos aloxamentos destas tres tipoloxías e o 93,1% en termos de prazas.

En canto á súa distribución polos concellos de Galicia, recóllense os seguintes cadros comparativos tendo en conta as diferentes tipoloxías. Por un lado está a distribución por concellos das vivendas de uso turístico, a distribución por concellos dos competidores próximos, é dicir, vivendas turísticas e apartamentos turísticos e finalmente outros competidores que son o conxunto de resto de tipoloxías: Hoteis, campamentos turísticos, pensión,…

Concentración de aloxamentos e prazas: Vivendas de uso turístico
ALOXAMENTOS PRAZAS
SANXENXO (11,4%) SANXENXO (11,1%)
VIGO (8,5%) VIGO (7,3%)
A CORUÑA (4,9%) A CORUÑA (4,4%)
O GROVE (2,8%) O GROVE (2,9%)
FOZ (2,7%) FOZ (2,5%)
SANTIAGO DE COMPOSTELA (2,5%) SANTIAGO DE COMPOSTELA (2,4%)
CANGAS (2,4%) CANGAS (2,4%)
VILAGARCÍA DE AROUSA (2,2%) VILAGARCÍA DE AROUSA (2,1%)
BARREIROS (1,9%) POIO (1,9%)
POIO (1,9%) BARREIROS (1,8%)
Concentración de aloxamentos e prazas: Competidores próximos
ALOXAMENTOS PRAZAS
SANXENXO (8,8%) SANXENXO (23,1%)
SANTIAGO DE COMPOSTELA (4,5%) VIGO (7%)
MUXÍA (4%) VIVEIRO (5,5%)
RIBADEO (3,1%) LUGO (4,7%)
CANGAS (2,8%) O GROVE (4,5%)
O GROVE (2,4%) POIO (4,4%)
POIO (2,4%) CANGAS (3,6%)
FISTERRA (2,3%) RIBADEO (3,1%)
SOBER (2%) A POBRA DE TRIVES (2,4%)
OUTES (1,9%) FOZ (1,7%)
Concentración de aloxamentos e prazas: Outros competidores
ALOXAMENTOS PRAZAS
SANTIAGO DE COMPOSTELA (6,9%) SANXENXO (9,8%)
SANXENXO (5,5%) SANTIAGO DE COMPOSTELA (7,6%)
VIGO (2,6%) VIGO (4,5%)
O PINO (2,4%) O GROVE (4,4%)
SARRIA (2,3%) A CORUÑA (3,2%)
O GROVE (2,1%) BAIONA (2,1%)
ARZÚA (2,1%) LUGO (1,8%)
A CORUÑA (2%) SARRIA (1,6%)
PALAS DE REI (1,8%) NIGRÁN (1,6%)
LUGO (1,7%) ARZÚA (1,5%)

5 Propiedade das VUT

As vivendas de uso turístico repártense entre dous tipos de propietarios: As persoas individuais, propietarias de 25.137 vivendas, e as empresas, que contan cun total de 3.402.
Cantidade de vivendas de uso turístico segundo dipo de propietario
Número de VUT Nº empresas Nº de persoas Total de vivendas
1 805 17.160 17.965
2 204 2.008 4.424
3 91 549 1.920
4 52 202 1.016
5 29 89 590
6 28 57 510
7 15 27 294
8 18 17 280
9 8 12 180
>10 53 22 1.360

Tendo en conta agora aos propietarios segundo o número de vivendas das que son posuidores, o 62,9% das vivendas pertencen a un só propietario.

A seguinte figura amosa a provincia de procedencia das empresas propietarias das vivendas de uso turístico presentes en Galicia. A maioría das empresas son galegas, pero hai tamén un número considerable de empresas que se atopan fóra da comunidade. Por último, as seguintes figuras amosan os puntos nos que se concentran as vivendas de uso turístico, tanto para o conxunto da Comunidade Autónoma como para, máis concretamente, as zonas costeiras de Galicia: A Rías Baixas, Costa da Morte, Rías Altas e Mariña Lucense.
Concentración xeográficas das vivendas de uso turístico nas zonas costeirasConcentración xeográficas das vivendas de uso turístico nas zonas costeirasConcentración xeográficas das vivendas de uso turístico nas zonas costeirasConcentración xeográficas das vivendas de uso turístico nas zonas costeiras

Concentración xeográficas das vivendas de uso turístico nas zonas costeiras