EMPREGO NO SECTOR TURÍSTICO GALEGO

Informe anual 2023

Introdución

O presente informe, realizado pola Área de Estudos e Investigación (Axencia Turismo de Galicia), aborda unha análise dos datos proporcionados por diferentes fontes oficiais relativos ás actividades económicas características do turismo.

O obxectivo de dita análise é cuantificar e coñecer as principais características dos traballadores clasificados segundo a súa relación coas ramas características do turismo (situación profesional, modalidade contractual, provincia,… ). Polo tanto, analízase o emprego turístico dende un enfoque de oferta, manexando os datos que están dispoñibles sobre o persoal empregado por conta propia e allea nestas actividades seleccionadas, medindo só os efectos máis directos que o turismo ten no emprego.

Análise turística segundo enfoque de demanda ou oferta

Queda fora da presente análise o impacto que a actividade turística ten a través de efectos indirectos (as variacións no emprego que experimentan outras actividades coas que a industria turística ten relación comercial ante as súas flutuacións de demanda) e inducidos (os efectos que á súa vez as industrias indirectamente afectadas provocan en outras coas súas variacións de demanda). É dicir, a análise do emprego turístico a través dos datos recollidos para as ramas de actividade consideradas características do turismo implica, sempre unha infraestimación do impacto que o turismo ten para o conxunto da economía en termos de emprego. Mais, este enfoque tamén implica certa sobreestimación, tendo en conta que as actividades consideradas características do turismo (a partir de agora denomínase ao conxunto destas ramas sector turístico) teñen tamén unha parte de actividade non turística.

Ramas características do turismo

RAMAS CARACTERÍSTICAS DO TURISMO (CNAE09)
CODRAMA	RAMA
	Servizos de aloxamento
551	Hoteis e aloxamentos similares
552	Aloxamentos turísticos e outros aloxamentos de curta estadía
553	Cámpings e aparcamentos para caravanas
559	Outros aloxamentos
	Servizo de comidas e bebidas
561	Restaurantes e postos de comidas
562	Provisión de comidas preparadas para eventos e outro servizos de comidas
563	Establecementos de bebidas
	Actividades de axencias de viaxes e operadores turístico
791	Actividades de axencias de viaxes e operadores turísticos
	Transporte de viaxeiros
491	Transporte interurbano de pasaxeiros por ferrocarril
493	Outro transporte terrestre de pasaxeiros
501	Transporte marítimo de pasaxeiros
503	Transporte de pasaxeiros por vías navegables interiores
511	Transporte aéreo de pasaxeiros
522	Actividades anexas ao transporte
	Outras actividades turísticas
771	Aluguer de vehículos de motor
773	Aluguer de outra maquinaria, equipos e bens tanxibles
799	Outros servizos de reservas e actividades relacionadas con eles
900	Actividades de creación, artísticas e espectáculos
910	Actividades de bibliotecas, arquivos, museos e outras actividades culturais
931	Actividades deportivas
932	Actividades recreativas e de entretemento

Asumindo os posibles problemas de infraestimación ou sobreestimación, é necesario delimitar o que se entende por sector turístico, tendo en conta que é unha actividade transversal. Neste informe séguense as recomendacións internacionais en canto ás actividades que se consideran integrantes do turismo, e analízanse os datos en base á Clasificación Nacional de Actividades Económicas do 2009 (CNAE09). Esta clasificación de ramas características do turismo, segue o mesmo criterio que o empregado por TURESPAÑA recollido dentro das fichas técnicas da explotación dos ficheiros de Afiliación á Seguridade Social e da Enquisa de Poboación Activa:

Ficha técnica de explotación específica do ficheiro de afiliación dos traballadores á Seguridade Social:

https://www.tourspain.es/es-es/ConocimientoTuristico/AfiliacionSS/Ficha%20Tecnica%20Afiliacion.pdf

Ficha técnica de explotación específica da Enquisa de Poboación Activa (EPA):

https://www.tourspain.es/es-es/ConocimientoTuristico/PoblacionActiva/Ficha%20Tecnica%20Empleo%20(EPA).pdf

A principal fonte utilizada para os datos de emprego é a Enquisa de Poboación Activa (EPA), realizada polo Instituto Nacional de Estatística (INE) e o Instituto Galego de Estatística (IGE), mais manéxase tamén información extraída dos datos de Afiliación á Seguridade Social proporcionados polo Ministerio de Traballo e Inmigración. A información destas dúas fontes preséntase en epígrafes separados, posto que seguen metodoloxías diferentes que as fai non comparables, pero complementarias á hora de analizar o emprego nas ramas características do turismo. O informe comeza contextualizando brevemente a conxuntura económica do período estudado. Posteriormente, e segundo a información da EPA, analízanse os datos básicos do emprego no sector turístico: actividade, ocupación e paro. Inclúese unha desagregación dos ocupados en función de aspectos como a situación profesional (asalariados e autónomos), tipo de contrato (temporal ou indefinido) ou provincia. Segundo os datos de afiliación á Seguridade Social, preséntase a evolución do emprego turístico nas ramas de servizos de aloxamento, restauración e axencias de viaxes, tanto en termos de variacións anuais como ó longo da última década, así como unha análise tendo en conta o conxunto do sector turístico. Para finalizar, inclúese un apartado adicado á metodoloxía e ás diferentes definicións empregadas para elaborar este informe.

Conxuntura económica

Á hora de analizar a evolución do emprego no sector turístico de Galicia durante o ano 2023, é necesario facer unha breve introdución sobre a situación económica que se ven desenvolvendo dentro da economía galega.

Evolución do PIB da economía galega (datos corrixidos de estacionalidade e calendario)

Evolución do índice da cifra de negocios para a hostalaría en Galicia (datos corrixidos de estacionalidade e calendario)

O ano 2020 ven caracterizado pola pandemia da COVID-19 que leva a un aparellado un período prolongado de restricións de movemento, chegando a un confinamento completo baixo o paraugas dun estado de alarma, que se prolongou entre os días 15 de marzo ata o 21 de xuño. Esta situación extraordinaria leva aparellada unha evolución das diferentes variables económicas atípica ao longo do ano 2020 e parte do 2021.

Ao longo do ano 2022 e 2023, a evolución do PIB en Galicia comeza a estabilizarse, aínda que durante o 2022 reflicte a redución do crecemento que se produciu no ano anterior consecuencia do efecto rebote da saída do período máis afectado pola pandemia. Ao longo do ano 2023 a evolución da economía de Galicia recolle un incremento no seu PIB en todos os trimestres, cunhas taxas de variación anual positivas en todo o período. Ditas taxas positivas tiveron un descenso entre o primeiro e o terceiro trimestre de 2023. É no cuarto trimestre de 2023 no que se observa como a evolución da variación anual observase un cambio de tendencia.

Observando o índice da cifra de negocios, índice que comprende os importes facturados pola empresa con motivo da prestación de servizos e venta de bens a partir do cal o INE elabora os indicadores da actividade do sector servizos (IASS), as variacións anuais entre 2022 e 2023 son positivas, aínda que cunha tendencia descendente. Observando a serie temporal dos últimos anos, pódese comprobar que hai un tendencia lixeiramente positiva nas variacións anuais da cifra de negocios.

Todo isto reflicte que, tralo período da pandemia e ano posterior, despois dunha contracción moi forte de toda a economía, ao longo do ano 2022 a economía ven de recuperarse volvendo a un ciclo de taxas positivas de crecemento que se manteñen ao longo do ano 2023, aínda que tendo cada vez unhas taxas de crecemento menores que no último período do ano 2023 cambia de tendencia, tanto na evolución do PIB como na cifra de negocios.

Enquisa de poboación activa

Durante o ano 2023 o número de activos no sector turístico galego ascendeu a 140.094 (cunha diferencia de 16.968 persoas con respecto ao ano anterior) o que representa unha variación anual do 13,8%. O peso dos activos no sector turístico representa o 11,2% do total de activos de Galicia, cunha diferenza de 1,3 puntos porcentuais respecto ao ano anterior, e un 16,3% dos activos do sector servizos, cunha diferenza de 1,7 puntos porcentuais respecto ao ano anterior.

Relación coa actividade. Ano 2023

	Persoas			Porcentaxes
	Activos	Ocupados	Parados	Activos (Var. anual)	Ocupados (Var. anual)	Parados (Var. anual)	Taxa de paro
Agricultura, gandeiría e pesca	74.720	70.453	4.268	7,1	5,9	33,6	5,7
Industria	178.553	168.097	10.455	0,2	0,4	-2,7	5,9
Construcción	79.573	76.217	3.356	0,9	3,5	-35,4	4,2
Servizos	859.006	814.538	44.468	1,7	2,3	-8,8	5,2
Parados que buscan 1º emprego ou parados que levan máis dun ano sen traballar	59.125	0	59.125	-14,1	0,0	-14,1	100,0
Galicia	1.250.977	1.129.305	121.672	0,9	2,3	-11,0	9,7
Turismo	140.094	127.162	12.932	13,8	15,6	-1,6	9,2

O número de persoas ocupadas no sector turístico galego é de 127.162 persoas (diferenza de 17.182 persoas respecto ao ano 2022) o que representa unha variación anual do 15,6%. O peso dos ocupados no sector representa o 11,3% do total de ocupados de Galicia, cunha diferenza de 1,3 puntos porcentuais respecto ao ano anterior, e un 15,6% dos ocupados do sector servizos, cunha diferenza de 1,8 puntos porcentuais respecto ao ano anterior.

Situación profesional segunda relación coa actividade. Ano 2023

	Persoas			Porcentaxes
	Turismo	Servizos	Galicia	Turismo (Var. anual)	Servizos (Var. anual)	Galicia (Var. anual)	Turismo s/ Servizos	Turismo s/ Galicia
Activos	140.094	859.006	1.250.977	13,8	1,7	0,9	16,3	11,2
Ocupados	127.162	814.538	1.129.305	15,6	2,3	2,3	15,6	11,3
Asalariados	98.063	687.042	923.522	14,8	2,7	2,6	14,3	10,6
Indefinidos	79.108	563.537	771.082	26,6	5,5	6,2	14,0	10,3
Temporais	18.955	123.505	152.440	-17,2	-8,4	-12,5	15,3	12,4
Autónomos	29.099	127.496	205.783	18,3	0,2	1,2	22,8	14,1
Parados	12.932	44.468	121.672	-1,6	-8,8	-11,0	29,1	10,6

Taxas (porcentaxes). Ano 2023

	Turismo	Servizos	Galicia
Taxa de paro	9,2	5,2	9,7
Taxa de asalarización	77,1	84,3	81,8
Taxa de temporalidade	19,3	18,0	16,5

Evolución dos ocupados nas ramas características do turismo en Galicia (datos corrixidos de estacionalidade e calendario)

O volume de ocupados segundo a comunidade autónoma recolle que Galicia ten o 11,3% do total de ocupados da súa economía ocupados no sector turístico, cifra que se sitúa por detrás de comunidades como Canarias (27%), Balears, Illes (26,1%), Madrid, Comunidad de (13,2%), Andalucía (12,7%), Cataluña (12,5%) e Comunitat Valenciana (11,7%). Si se ten en conta o peso dos ocupados no turismo respecto ao total de ocupados no sector servizos o seu peso é dun 15,6%, sendo a do resto de CCAA: Canarias (31,2%), Balears, Illes (31,1%), Cataluña (16,5%), Andalucía (16,4%) e Comunitat Valenciana (15,6%). Do total de ocupados no sector turístico respecto ao total para o conxunto de España, o peso das comunidades é Cataluña (16,9%), Madrid, Comunidad de (16%), Andalucía (15,7%), Canarias (9,9%), Comunitat Valenciana (9,7%), Balears, Illes (5,8%) e Galicia (4,7%).

Ocupados no turismo sobre o total de ocupados por CCAA

Durante o 2023 o número de parados no sector turístico galego ascendeu a 12.932 persoas (unha diferenza de -214 persoas respecto ao ano anterior) o que representa unha variación anual do -1,6%. O peso dos parados no sector representa o 10,6% do total de parados de Galicia, cunha diferenza respecto do ano anterior de 1 puntos, e un 29,1% dos parados do sector servizos, cunha diferenza de 2,1 puntos porcentuais con respecto ao ano anterior. Isto sitúa a taxa de paro no ano 2.023 para o sector turístico nun 9,2%, cunha diferenza de -1,5 puntos porcentuais respecto á taxa de paro do ano anterior. A taxa de paro para o conxunto da economía galega foi dun 9,7%, é a do conxunto do sector servizos de Galicia, foi dun 5,2%.

Ocupados estranxeiros en Galicia. Ano 2023

	% s/ ocupados	Var. anual (%)
Galicia	6,2	13,5
Servizos	6,4	22,2
Turismo	13,0	25,5

Ao longo do ano 2023, había en Galicia máis de 16 mil persoas ocupadas no sector turístico galego de orixe estranxeira. Este colectivo é relativamente importante neste sector, onde representa o 13% do total de ocupados no 2023, cunha variación anual con respecto ao ano 2022 do 25,5%. Pola contra, o número de ocupados estranxeiros ten unha representación menor no sector servizos no seu conxunto, no cal o colectivo estranxeiro representa o 6,4% do total de ocupados, cunha variación anual do 22,2%, e dun 6,2% do total de ocupados para Galicia no seu conxunto, cunha variación anual do 13,5%.

Evolución da poboación activa e a taxa de paro

Volume de ocupados no total da economía e no turismo

Superado o período de forte contracción do emprego provocado pola pandemia da COVID-19, ven de producirse ao longo de 2022 un crecemento do número de ocupados nas ramas características do turismo, cunhas taxas de crecemento positivas ao longo de todo o período 2022-2023. A partir do terceiro trimestre de 2022, a evolución do emprego no turismo crece cunhas taxas de crecemento anuais importantes ata o cuarto trimestre de 2023 no que a tendencia de crecemento se frea, pero que continúa sendo positiva.

Esta evolución provoca unha situación na que, o peso relativo da economía galega respecto ao conxunto do total de España se estanca entre o 2022 e o 2023, manténdose nun 5,4%, mentres que o peso do emprego turístico respecto do emprego turístico para o conxunto de España incrementase, pasando dun 4,2% a un 4,7%. Dita evolución ven explicada polo forte incremento entre 2022 e 2023 don peso do emprego nas ramas características do turismo en Galicia respecto ao total de emprego da comunidade galega, pasando dun 10% no 2022 a un 11,3% no 2023. Este incremento do peso descomponse por un forte incremento no volume de ocupados nas ramas de Servizos de comidas e bebidas e no Transporte de viaxeiros, pero tamén polo incremento do grupo formado por Outras actividades turísticas. Deste xeito, ante un incremento dos ocupados nas ramas características do turismo maior que o incremento da economía de Galicia no seu conxunto e tamén con respecto ao conxunto de ocupados de España nas ramas características do turismo, o peso do turismo en Galicia en termos de emprego incrementa a súa influencia tanto respecto ao total de ocupados en Galicia, como con respecto aos ocupados en turismo para o conxunto de España.

Ocupados no sector turístico

O conxunto de ocupados na economía galega nas ramas características do turismo recolle un total de 127.162 persoas, unha diferenza respecto do ano anterior dun 15,6%. A principal rama de actividade que recolle a maior parte dos ocupados en turismo é a rama de Servizos de comidas e bebidas, cun 51,6%, cunha variación porcentual do 13% respecto do ano 2022. Segundo o sexo, o 50,5% dos ocupados son homes, fronte a un 49,5% de mulleres. Por grupos de idade, o máis importante é o comprendido entre os máis de 45 anos co 46,9% de ocupados, cunha variación anual do 23,2 respecto ao 2022, seguido do grupo de entre 30 e 45 anos cun 32,8% dos ocupados. Tendo en conta o nivel de estudos, o 64,8% dos ocupados nas ramas características do turismo teñen estudos secundarios cunha variación anual do 24,2%.

Ocupados: Rama

En canto ó reparto dos ocupados por ramas de actividade, os servizos de aloxamento recollen o 9,5% dos empregados galegos nas ramas características do turismo (12.061 persoas) cunha variación anual do 0,4%, os servizos de comidas e bebidas recollen o 51,6% (65.603 persoas) cunha variación anual do 13%, o transporte de viaxeiros co 19,1% da ocupación (24.270 persoas) e cunha variación anual do 21,3% e outras actividades turísticas co 19,8% (25.228 persoas)e cunha variación anual do 26,8%.

Ocupados segundo rama turística e ano

Ocupados: Sexo

Analizando o volume de ocupados segundo a rama de actividade e o seu sexo, a maior parte dos ocupados atópanse na rama de servizo de comidas e bebidas independentemente do seu sexo:

Ocupados segundo sexo e rama de actividade

• Transporte de viaxeiros Dentro do transporte de viaxeiros o 71,5% dos ocupados son homes, que representan o 13,6% do total de ocupados no sector turístico, mentres que as mulleres son o 28,5% restante, que representan o 5,4% do total de ocupados no sector turístico. Esta rama recolle o 27% do total de homes ocupados no sector turístico, e o 11% para o caso das mulleres.
• Servizos de aloxamento Nesta rama o 37,4% dos ocupados son homes, que representan o 3,5% do total de ocupados no sector turístico, e o restante 62,6% mulleres, que representan o 5,9% do total de ocupados no sector turístico. Esta rama recolle o 7% do total de homes ocupados no sector turístico, e o 12% para o caso das mulleres.
• Servizos de comidas e bebidas Nesta rama o 42,9% dos ocupados son homes, que representan o 22,1% do total de ocupados no sector turístico, e o restante 57,1% mulleres, que representan o 29,5% do total de ocupados no sector turístico, sendo esta a rama máis feminizada dentro do sector turístico. Esta rama recolle o 43,8% do total de homes ocupados no sector turístico, e o 59,5% para o caso das mulleres.
• Outras actividades turísticas Nesta rama o 56,2% dos ocupados son homes, que representan o 11,2% do total de ocupados no sector turístico, e o restante 43,8% mulleres, que representan o 8,7% do total de ocupados no sector turístico. Esta rama recolle o 22,1% do total de homes ocupados no sector turístico, e o 17,5% para o caso das mulleres.

Tendo en conta a sección da hostalería segundo a CNAE, que recolle as ramas servizos de aloxamento e servizo de comidas e bebidas, representa o 61,1% do total de ocupados no sector do turismo en Galicia, o grupo máis numeroso é o das mulleres. Das 77.664 persoas ocupadas na hostalería en Galicia, o 58% son mulleres e o 42% homes, o que indica un sector feminizado, e tendo en conta o conxunto de todas as ramas características de turismo, a porcentaxe de mulleres ocupadas atópase nun 50,5%, sendo o sector máis feminizado o de servizos de aloxamento cun 62,6%. Pola contra para o conxunto da comunidade galega a taxa de feminización é dun 48,1% e concretamente para o conxunto do sector servizos (ramas características do turismo incluídas) é dun 57%.

Ocupados: Idade

Analizando os datos segundo o sexo e grupos de idade dos ocupados, sendo os grupos de idade entre os 16 e os 29 anos, entre os 30 e os 45 anos e os maiores de 45 ano, obtéñense os seguintes resultados. O grupo de idade de entre 16 e 29 anos recolle o 20,3% do total e ocupados. Neste grupo, o 52,3% dos ocupados son homes, que representa o 10,6% do total de ocupados no sector turístico, mentres que o 47,7% restante son mulleres, que representan o 9,7% do total. Os homes deste grupo de idade representan o 21% do total de homes ocupados no sector turístico, sendo esta porcentaxe do 19,5% para o caso das mulleres. O grupo de idade de entre 30 e 45 anos recolle o 32,8% do total e ocupados. Neste grupo, o 48,1% dos ocupados son homes, que representa o 15,8% do total de ocupados no sector turístico, mentres que o 51,9% restante son mulleres, que representan o 17% do total. Os homes deste grupo de idade representan o 31,3% do total de homes ocupados no sector turístico, sendo esta porcentaxe do 34,4% para o caso das mulleres. O grupo de idade de máis de 45 anos recolle o 46,9% do total e ocupados. Neste grupo, o 51,3% dos ocupados son homes, que representa o 24,1% do total de ocupados no sector turístico, mentres que o 48,7% restante son mulleres, que representan o 22,8% do total. Os homes deste grupo de idade representan o 47,7% do total de homes ocupados no sector turístico, sendo esta porcentaxe do 46,1% para o caso das mulleres. Destacar que o 53,9% do total de mulleres ocupadas no sector turístico de Galicia son menores de 45 anos, mentres que esta porcentaxe representa o 52,3% no caso dos homes.

Ocupados segundo sexo e idade

Respecto do ano 2022, o número de ocupados no grupo de idade de entre 16 e 29 anos tivo unha variación anual dun 22,5%, dun 3% para o grupo de entre 30 e 45 anos e dun 23,2% para o grupo de máis de 45 anos.

Ocupados: Estudos

Analizando os datos segundo o nivel de estudos o grupo máis relevante son os ocupados con estudos secundarios, que representan o 64,8% do total de ocupados en termos de nivel educativo acadado. Tendo en conta o xénero, no caso dos estudos primarios, o 58,2% do total son mulleres, que representa o 1,8% do total de ocupados no sector turístico, fronte ao 41,8% dos homes, que representa o 1,3% do total de ocupados no sector. Os homes deste nivel de estudos representan ao 2,5% do total de homes ocupados no sector turístico, e un 3,6% no caso das mulleres. No caso dos estudos secundarios, os homes representan ao 50,9% que recolle o 33% do total de ocupados no sector turístico. As mulleres recollen o 49,1% do total de ocupados neste nivel de estudos, o que representa o 31,9% do total de ocupados nas ramas turísticas. Os homes con estudos secundarios representan o 65,3% do total de homes ocupados no sector turístico, fronte a un 64,3% por parte das mulleres. Tendo en conta os ocupados con estudos superiores, o 50,5% son homes, que representan o 16,2% do total de ocupados dos sector turístico, e un 49,5% no caso das mulleres, que representan o 15,9% do total de ocupados no sector turístico. Dos homes ocupados no sector turístico, os que teñen estudos superiores representan o 32,2%, e un 32,1% para o caso das mulleres.

Ocupados segundo sexo e estudos

Entre o ano 2022 e o 2023 produciuse unha variación anual de ocupados con estudos primarios dun 41,8%, dun 24,2% dos ocupados con estudos secundarios e dun 0% para o caso de ocupados con estudos superiores.

A modo de resumo, os grupos máis numerosos de ocupados no sector turístico son mulleres de máis de 45 anos con estudos secundarios dentro da rama servizo de comidas e bebidas que recolle o 10,7% do total de ocupados no sector, mulleres de entre 30 e 45 anos con estudos secundarios dentro da rama servizo de comidas e bebidas que recolle o 7,4% do total e homes de máis de 45 anos con estudos secundarios dentro da rama servizo de comidas e bebidas que recolle o 7%. O conxunto destes tres grupos representa o 25,1% do conxunto de ocupados no sector turístico de Galicia para o ano 2023.

Situación profesional

A variable ocupados que se recolle dentro da EPA pode ser desagregada segundo a súa situación profesional, podendo separar os ocupados entre asalariados e autónomos. Seguindo este criterio atópase que os asalariados son a situación profesional máis importante, cun 77,1% do total de ocupados fronte a un 22,9% de autónomos.

Ocupados segundo situación profesional

Situación: Rama

Tendo en conta as ramas de actividade, os asalariados representan a maior parte dos ocupados.

Ocupados segundo situación profesional e rama de actividade

• Transporte de viaxeiros Nesta rama de actividade o 85,3% dos ocupados son asalariados, que representan o 16,3% do total de ocupados no sector turístico, fronte ao 14,7% de autónomos, que representan o 2,8% do total de ocupados. Do conxunto de asalariados no sector turístico, o transporte de viaxeiros recolle o 21,1% do total, e no caso dos autónomos recolle o 12,3%.

• Servizos de aloxamento Nesta rama de actividade o 80,5% dos ocupados son asalariados, que representan o 7,6% do total de ocupados no sector turístico, fronte ao 19,5% de autónomos, que representan o 1,9% do total de ocupados. Do conxunto de asalariados no sector turístico, o transporte de viaxeiros recolle o 9,9% do total, e no caso dos autónomos recolle o 8,1%.

• Servizo de comidas e bebidas Nesta rama de actividade o 71,5% dos ocupados son asalariados, que representan o 36,9% do total de ocupados no sector turístico, fronte ao 28,5% de autónomos, que representan o 14,7% do total de ocupados. Do conxunto de asalariados no sector turístico, o transporte de viaxeiros recolle o 47,8% do total, e no caso dos autónomos recolle o 64,4%.

• Outras actividades turísticas Nesta rama de actividade o 82,4% dos ocupados son asalariados, que representan o 16,3% do total de ocupados no sector turístico, fronte ao 17,6% de autónomos, que representan o 3,5% do total de ocupados. Do conxunto de asalariados no sector turístico, o transporte de viaxeiros recolle o 21,2% do total, e no caso dos autónomos recolle o 15,3%.

Situación: Sexo

Analizando os ocupados segundo rama de actividade, situación profesional e o sexo:

• Asalariados

  • Transporte de viaxeiros Dentro desta rama, os asalariados de sexo masculino representan o 71% dos mesmos, e recollen o 30,4% dos homes asalariados no sector turístico, fronte a un 29% de mulleres, que representan o 12,1% das asalariadas no sector turístico. Esta rama recolle o 21,1% do total de asalariados no sector turístico de Galicia.

  • Servizos de aloxamento Dentro desta rama, os asalariados de sexo masculino representan o 36,8% dos mesmos, e recollen o 7,4% dos homes asalariados no sector turístico, fronte a un 63,2% de mulleres, que representan o 12,4% das asalariadas no sector turístico. Esta rama recolle o 9,9% do total de asalariados no sector turístico de Galicia.

  • Servizos de comidas e bebidas Dentro desta rama, os asalariados de sexo masculino representan o 40% dos mesmos, e recollen o 38,7% dos homes asalariados no sector turístico, fronte a un 60% de mulleres, que representan o 56,7% das asalariadas no sector turístico. Esta rama recolle o 47,8% do total de asalariados no sector turístico de Galicia.

  • Outras actividades turísticas Dentro desta rama, os asalariados de sexo masculino representan o 54,9% dos mesmos, e recollen o 23,6% dos homes asalariados no sector turístico, fronte a un 45,1% de mulleres, que representan o 18,9% das asalariadas no sector turístico. Esta rama recolle o 21,2% do total de asalariados no sector turístico de Galicia.

• Autónomos Os servizos de comidas e bebidas recolle o 64,4% do total de ocupados autónomos no sector turístico. Nesta rama de actividade, o 49,9% son mulleres e representan o 70% das autónomas, fronte a un 50,1% de homes que representan o 59,6% do total de ocupados autónomos no sector turístico.

Ocupados segundo situación profesional e sexo

Dentro dos asalariados os grupos máis numerosos son mulleres de máis de 45 anos con estudos secundarios que traballan na rama de servizo de comidas e bebidas e recolle o 8,9% do total, mulleres de entre 30 e 45 anos con estudos secundarios que traballan na rama de servizo de comidas e bebidas e recolle o 7% do total e homes de máis de 45 anos con estudos secundarios que traballan na rama de transporte de viaxeiros e recolle o 6,5% do total. A suma destes grupos recolle o 22,4% do total de asalariados dentro do sector turístico.

No caso dos autónomos, homes de máis de 45 anos con estudos secundarios pertencentes ao servizo de comidas e bebidas e mulleres de máis de 45 anos con estudos secundarios pertencentes ao servizo de comidas e bebidas son os grupos máis importantes que representan o 17,1% e o 16,6% respectivamente do total de autónomos no sector turístico de Galicia.

Analizando os datos de ocupados segundo a súa situación profesional e o sexo, tanto nos homes como nas mulleres o volume de asalariados é superior ao dos autónomos. Respecto aos homes, o 75,5% son asalariados fronte a un 24,5% de autónomos e, no caso das mulleres, o 78,8% son asalariadas fronte a un 21,2% de autónomas. Ademais diso, do conxunto de asalariados, as mulleres presentan un 50,6% de asalariadas fronte a un 49,4% de homes, mentres que no caso dos autónomos o 54,1% son homes fronte a un 45,9% de mulleres.

Situación: Idade

Tendo en conta os grupos de idade, a porcentaxe de asalariados redúcese a medida que a idade se vai incrementando.

Ocupados segundo situación profesional e idade

• Dentro do grupo de entre 16 e 29 anos, o 91,3% son asalariados. Do conxunto de ocupados en turismo de Galicia, os asalariados deste grupo de idade representa o 18,5% do total e finalmente, o grupo de idade representa o 24% do total de asalariados.

• No grupo de entre 30 e 45 anos, o 78,6% son asalariados fronte a un 21,4% de autónomos. Do conxunto de ocupados en turismo de Galicia, os asalariados deste grupo de idade representa o 25,8% do total, e os autónomos un 7%. Finalmente, o grupo de idade representa o 33,4% do total de asalariados e un 30,7 no caso dos autónomos.

• No grupo de máis de 45 anos, o 70% son asalariados fronte a un 30% de autónomos. Do conxunto de ocupados en turismo de Galicia, os asalariados deste grupo de idade representa o 32,8% do total, e os autónomos un 14,1%. Finalmente, o grupo de idade representa o 42,5% do total de asalariados e un 61,6 no caso dos autónomos.

Situación: Estudos

Para o caso dos ocupados segundo situación profesional e nivel de estudos acadado:

Ocupados segundo situación profesional e estudos

• O grupo de ocupados con estudos primarios posúen un 64,1% de asalariados, que representan ao 1,9% de todos os ocupados do sector e o 2,5% dos asalariados dentro do sector. Este grupo recolle o 35,9% de autónomos, que representan o 1,1% de todos os ocupados e o 4,8% dos autónomos dentro do sector turístico.

• O grupo de ocupados con estudos secundarios posúen un 73,5% de asalariados, que representan ao 47,7% de todos os ocupados do sector e o 61,8% dos asalariados dentro do sector. Este grupo recolle o 26,5% de autónomos, que representan o 17,2% de todos os ocupados e o 75% dos autónomos dentro do sector turístico.

• O grupo de ocupados con estudos secundarios posúen un 85,6% de asalariados, que representan ao 27,5% de todos os ocupados do sector e o 35,7% dos asalariados dentro do sector. Este grupo recolle o 14,4% de autónomos, que representan o 4,6% de todos os ocupados e o 20,2% dos autónomos dentro do sector turístico.

Taxa de asalarización

Analizando a taxa de asalarización, o número de asalariados sobre o total de ocupados obtéñense os seguintes resultados:

• Ramas de actividade A rama que presenta unha maior taxa de asalarización é transporte de viaxeiros cun 85,3%, seguido de outras actividades turísticas cun 82,4%, servizos de aloxamento cun 80,5% e servizo de comidas e bebidas cun 71,5%.

• Sexo Presentan unha maior taxa de asalarización de mulleres cun 78,8% mentres que a de homes é dun 75,5%.

• Idade Presenta unha maior taxa de asalariazación o grupo de idade de entre 16 e 29 anos cun 91,3%, de entre 30 e 45 anos cun 78,6% e de máis de 45 anos cun 70%.

• Nivel educativo A maior taxa de asalariazación atópase no grupo de estudos superiores cun 85,6%, o grupo de estudos secundarios cun 73,5% e o grupo con estudos primarios cun 64,1%.

A taxa de asalarización do sector turístico no ano 2023 é dun 77,1%, para o conxunto da economía galega a taxa de asalarización é dun 81,8% e para o conxunto do sector servizos de Galicia é dun 84,3%.

Modalidade contractual

Analizando agora o caso dos asalariados segundo o tipo de contrato que posúen, pódense diferenciar dous grupos: Asalariados con contrato indefinido e asalariados con contrato temporal.

Asalariados segundo tipo de contrato

Modalidade: Rama

Analizando os asalariados segundo tipo de contrato e rama de actividade á que pertencen, compróbase que a maior parte dos asalariados, indefinidos e temporais, atópanse dentro da rama de servizo de comidas e bebidas. En todas as ramas o peso dos contratos indefinidos é superior ao dos temporais, pero é no caso dos servizos de aloxamento e de comidas e bebidas onde o peso da temporalidade é maior.

Asalariados segundo tipo de contrato e rama de actividade

• Transporte de viaxeiros Dentro do transporte de viaxeiros, o 87,5% dos asalariados correspóndense con contratos indefinidos e o restante 12,5% con contratos temporais. Os asalariados indefinidos representan o 18,5% do total deasalariados do turismo e representan o 22,9% do total de asalariados indefinidos. Os temporais representan o 2,6% do total de asalariados do turismo e o 13,6% do total de asalariados temporais.

• Servizos de aloxamento Dentro desta rama, o 83,1% dos asalariados correspóndense con contratos indefinidos e o restante 16,9% con contratos temporais. Os asalariados indefinidos representan o 8,2% do total deasalariados do turismo e representan o 10,2% do total de asalariados indefinidos. Os temporais representan o 1,7% do total de asalariados do turismo e o 8,6% do total de asalariados temporais.

• Servizos de comidas e bebidas Dentro desta rama, o 80,5% dos asalariados correspóndense con contratos indefinidos e o restante 19,5% con contratos temporais. Os asalariados indefinidos representan o 38,5% do total deasalariados do turismo e representan o 47,7% do total de asalariados indefinidos. Os temporais representan o 9,3% do total de asalariados do turismo e o 48,3% do total de asalariados temporais.

• Outras actividades turísticas Dentro desta rama, o 73,1% dos asalariados correspóndense con contratos indefinidos e o restante 26,9% con contratos temporais. Os asalariados indefinidos representan o 15,5% do total deasalariados do turismo e representan o 19,2% do total de asalariados indefinidos. Os temporais representan o 5,7% do total de asalariados do turismo e o 29,5% do total de asalariados temporais.

Modalidade: Sexo

Tendo en conta os asalariados por tipo de contrato e sexo, un 82,4% dos homes teñen un contrato indefinido, fronte a un 17,6% de contratos temporais. Ditos contratos indefinidos representan o 40,7% de todos os asalariados, mentres que os temporais representan un 8,7%. Pola súa parte, un 79% das mulleres teñen contrato indefinido, o que representa o 40% do total de asalariados do turismo en Galicia, fronte a un 21% de contratadas temporais, querepresentan o 10,7% dos asalariados.

Asalariados segundo tipo de contrato e sexo

Dentro dos contratos indefinidos, o 50,4% corresponde aos homes e un 49,6% a mulleres, mentres que nos temporais o 44,9% son homes e o 55,1% restante mulleres.

Modalidade: Idade

Analizando os asalariados por tipo de contrato e grupos de idade, a temporalidade redúcese a medida que se incrementa o grupo de idade. O grupo de idade entre 16 e 29 anos ten un 62,8% de contratos indefinidos, que representan o 15,1% do total de asalariados, fronte a un 37,2% de contratos temporais, que representa un 8,9% do total de asalariados. Os contratados indefinidos deste grupo de idade representan o 18,7% do total de asalariados con contrato indefinido, e no caso dos temporais o 46,2%.

Asalariados segundo tipo de contrato e idade

O grupo de idade entre 30 e 45 anos ten un 81,4% de contratos indefinidos, que representan o 27,2% do total de asalariados, fronte a un 18,6% de contratos temporais, que representa un 6,2% do total de asalariados. Os contratados indefinidos deste grupo de idade representan o 33,8% do total de asalariados con contrato indefinido, e no caso dos temporais o 32,1%.

O grupo de idade de máis de 45 anos ten un 90,1% de contratos indefinidos, que representan o 38,3% do total de asalariados, fronte a un 9,9% de contratos temporais, que representa un 4,2% do total de asalariados. Os contratados indefinidos deste grupo de idade representan o 47,5% do total de asalariados con contrato indefinido, e no caso dos temporais o 21,7%.

Modalidade: Estudos

No caso de analizar o tipo de contrato dos asalariados por nivel de estudos acadado, os asalariados con estudos primarios teñen un 73,9% contratos indefinidos, que representan ao 1,9% dos asalariados, e un 26,1% de asalariados temporais, que representan ao 0,7% dos asalariados. Os asalariados con estudos primarios e contrato indefinido, son un 2,3% do total de asalariados indefinidos, e un 3,4% para o caso dos temporais.

Asalariados segundo tipo de contrato e estudos

Os asalariados con estudos secundarios teñen un 80,5% contratos indefinidos, que representan ao 49,7% dos asalariados, e un 19,5% de asalariados temporais, que representan ao 12,1% dos asalariados. Os asalariados con estudos primarios e contrato indefinido, son un 61,7% do total de asalariados indefinidos, e un 62,4% para o caso dos temporais.

Os asalariados con estudos superiores teñen un 81,5% contratos indefinidos, que representan ao 29,1% dos asalariados, e un 18,5% de asalariados temporais, que representan ao 6,6% dos asalariados. Os asalariados con estudos primarios e contrato indefinido, son un 36% do total de asalariados indefinidos, e un 34,2% para o caso dos temporais.

Os grupos máis importantes son mulleres de máis de 45 anos con estudos secundarios como indefinidos e pertencentes á rama de servizo de comidas e bebidas, mulleres de entre 30 e 45 anos con estudos secundarios como indefinidos e pertencentes á rama de servizo de comidas e bebidas e homes de máis de 45 anos con estudos secundarios como indefinidos e pertencentes á rama de transporte de viaxeiros. Estes grupos recollen o 20,7% do total do conxunto de asalariados pertencentes ás ramas características do turismo en Galicia.

Taxa de temporalidade

Analizando a taxa de temporalidade, o número de asalariados con contrato temporal sobre o total de asalariados obtéñense os seguintes resultados:

• Ramas de actividade A rama que presenta unha maior taxa de temporalidade é outras actividades turísticas cun 26,9%, servizo de comidas e bebidas cun 19,5%, servizos de aloxamento cun 16,9% e transporte de viaxeiros cun 12,5%.

• Sexo Mulleres presentan unha taxa de temporalidade dun 21% mentres que homes é dun 17,6%.

• Idade A medida que se incrementa a idade, a taxa de temporalidade redúcese: un 37,2% entre 16 e 29 anos, un 18,6% entre 30 e 45 anos e un 9,9% máis de 45 anos.

• Nivel educativo A taxa de temporalidade dos asalariados con estudos primarios e dun 26,1%, de estudos secundarios e dun 19,5% e de estudos superiores e dun 18,5%.

A taxa de temporalidade do sector turístico no ano 2023 é dun 19,3%, para o conxunto da economía galega a taxa de temporalidade é dun 16,5% e para o conxunto do sector servizos de Galicia é dun 18%.

Ocupados segundo provincia

Os datos da EPA permiten ademais levar a cabo unha análise a nivel provincial do nivel de ocupados. A provincia que máis ocupados nas ramas características do turismo recolle en Galicia é a provincia de A Coruña (47,3%) seguida de Pontevedra (36,4%), Ourense (8,8%) e Lugo (7,4%).

Provincias: Rama

• Transporte de viaxeiros O 47,6% dos ocupados nesta rama atópanse na provincia de A Coruña, que representan a un 19,3% do total de ocupados dentro do conxunto do turismo para toda Galicia, un 4,6% en Lugo que representao 1,9% do total de ocupados, un 10,1% en Lugo que representao 4,1% do total de ocupados e un 37,7% en Lugo que representao 15,3% do total de ocupados. Analizando por provincias, esta rama recolle o 40,9% do total de ocupados para a provincia de A Coruña, o 25% para o caso de Lugo, 46,4% para Ourense e 42% para Pontevedra.

Ocupados segundo provincia e rama de actividade

• Hostalaría O 40,7% dos ocupados nesta rama atópanse na provincia de A Coruña, que representan a un 8,2% do total de ocupados dentro do conxunto do turismo para toda Galicia, un 12,4% en Lugo que representao 2,5% do total de ocupados, un 12,1% en Lugo que representao 2,4% do total de ocupados e un 34,8% en Lugo que representao 7% do total de ocupados. Analizando por provincias, esta rama recolle o 17,3% do total de ocupados para a provincia de A Coruña, o 33,7% para o caso de Lugo, 27,6% para Ourense e 19,2% para Pontevedra.

• Outras actividades turísticas O 50,3% dos ocupados nesta rama atópanse na provincia de A Coruña, que representan a un 19,8% do total de ocupados dentro do conxunto do turismo para toda Galicia, un 7,8% en Lugo que representao 3,1% do total de ocupados, un 5,8% en Lugo que representao 2,3% do total de ocupados e un 36% en Lugo que representao 14,1% do total de ocupados. Analizando por provincias, esta rama recolle o 41,8% do total de ocupados para a provincia de A Coruña, o 41,4% para o caso de Lugo, 25,9% para Ourense e 38,8% para Pontevedra.

Provincias: Sexo

Analizando os datos da poboación ocupada no sector turístico segundo provincia e sexo:

Ocupados segundo provincia e sexo

Segundo o seu sexo, o 49,9% dos homes atópanse na provincia de A Coruña, que representan o 29,6% do total de ocupados do turismo, o 6,1% en Lugo, que representa o 3,6% do total de ocupados, 8,3% en Ourense, que representa o 4,9% do total de ocupados, e o 35,7% en Pontevedra, que representa o 21,1% do total de ocupados.

O 43,5% das mulleres atópanse na provincia de A Coruña, que representan o 17,7% do total de ocupados do turismo, o 9,4% en Lugo, que representa o 3,9% do total de ocupados, 9,6% en Ourense, que representa o 3,9% do total de ocupados, e o 37,5% en Pontevedra, que representa o 15,3% do total de ocupados.

Por provincias, en A Coruña o 62,5% dos ocupados son homes e o 37,5% son mulleres; na provincia de Lugo o 48,2% son homes e o 51,8% mulleres; na provincia de Ourense o 55,7% son homes e o 44,3% mulleres; na provincia de Pontevedra o 58% dos ocupados son homes e o 42% son mulleres.

Provincias: Idade

Tendo en conta os datos de ocupados por provincia e grupo de idade, compróbase a seguinte estrutura.

Ocupados segundo provincia e idade

Tendo en conta os ocupados pertencentes ao grupo de idade entre 16 e 29 anos, o 47,3% deles atópanse na provincia de A Coruña, que representan o 7,4% do total de ocupados nas ramas turísticas de Galicia, o 9,3% na provincia de Lugo, que representa o 1,5% do total de ocupados, o 4,4% na provincia de Ourense, que representaba o 0,7% do total, e o 39% na provincia de Pontevedra, que presenta o 6,1% do total de ocupados.

Tendo en conta os ocupados pertencentes ao grupo de idade entre 30 e 45 anos, o 50,9% deles atópanse na provincia de A Coruña, que representan o 17,6% do total de ocupados nas ramas turísticas de Galicia, o 7,1% na provincia de Lugo, que representa o 2,4% do total de ocupados, o 6,1% na provincia de Ourense, que representaba o 2,1% do total, e o 35,9% na provincia de Pontevedra, que presenta o 12,4% do total de ocupados.

Tendo en conta os ocupados pertencentes ao grupo de máis de 45 anos, o 44,8% deles atópanse na provincia de A Coruña, que representan o 22,3% do total de ocupados nas ramas turísticas de Galicia, o 7,1% na provincia de Lugo, que representa o 3,5% do total de ocupados, o 12,1% na provincia de Ourense, que representaba o 6% do total, e o 36% na provincia de Pontevedra, que presenta o 17,9% do total de ocupados.

Na provincia de A Coruña, o 15,6% dos ocupados pertencen ao grupo de idade entre 16 e 29 anos, 37,2% ao grupo de idade entre 30 e 45 anos e o 47,1% ao grupo demáis de 45 anos. Na provincia de Lugo, o 19,6% dos ocupados pertencen ao grupo de idade entre 16 e 29 anos, 32,9% ao grupo de idade entre 30 e 45 anos e o 47,5% ao grupo de máis de 45 anos. Na provincia de Ourense, o 7,8% dos ocupados pertencen ao grupo de idade entre 16 e 29 anos, 24% ao grupo de idade entre 30 e 45 anos e o 68,2% ao grupo de máis de 45 anos. Na provincia de Pontevedra, o 16,7% dos ocupados pertencen ao grupo de idade entre 16 e 29 anos, 34,1% ao grupo de idade entre 30 e 45 anos e o 49,2% ao grupo de máis de 45 anos.

Seguridade Social

Evolución temporal

Os datos de emprego do turismo de Galicia, compleméntanse coa información provinte da Seguridade Social referente ás afiliacións. Tendo en conta só as ramas de servizos de aloxamento, os servizos de comida e bebida e as actividades de axencias de viaxe e operadores turísticos, lévanse a cabo dúas análises temporais para contextualizar o resto da información.

Evolución das afiliacións á seguridade social na hostalaría en Galicia (datos corrixidos de estacionalidade e calendario)

Afiliacións á Seguridade Social por rama de actividade (xaneiro 2014=100)

O número absoluto de afiliacións á Seguridade Social, tralo período máis directamente afectado pola pandemia da COVID-19 entre 2020 e comezos de 2021, a partir do primeiro trimestre de 2021 comeza un incremento no número total de afiliacións chegando, a finais de 2021, a acadar cifras próximas ás previas á pandemia, tendencia que segue ata maio de 2022, a partir do cal se produce un lixeiro descenso. Nos primeiros meses de 2023 ocorre un novo incremento na afiliación á Seguridade Social, acadando o seu máximo no mes de abril a partir do cal se mantén estable ao longo do resto do ano.

Comparando a evolución a través dun índice destas tres ramas (servizos de aloxamento, os servizos de comida e bebida e as actividades de axencias de viaxe e operadores turísticos) co resto da economía, destácase que a afiliación nestas ramas é unha variable estacional, tendo os seus picos nos meses do verán. A evolución reflicte nos últimos meses a situación excepcional do ano 2020, recollendo o ano 2021 o efecto rebote da saída deste período, tendencia que segue durante todo os anos 2022 e 2023.

Afiliacións á Seguridade Social por rama de actividade. Ano 2023

	Afiliacións	Var. anual (%)
Transporte de viaxeiros	18.030	3,0
Servizos de aloxamento	11.788	8,4
Servizos de comidas e bebidas	69.538	5,7
Outras actividades turísticas	18.154	8,3
Turismo	119.192	6,0
Servizos	768.428	2,1
Galicia	1.055.084	1,8

Peso das afiliacións á Seguridade Social segundo rama de actividade. Ano 2023

	Peso das afiliacións (%)
Turismo / Servizos	15,5
Turismo / Galicia	11,3

Réximes de afiliación

Para lograr unha mellor comparación cos datos de ocupados da EPA, analízanse os datos de afiliación á Seguridade Social cos datos trimestrais para o conxunto das ramas características do turismo, o sector turístico. Tendo en conta esta información, o 75,1% das afiliacións á Seguridade Social pertencen ao réxime xeral de afiliación, mentres que o 24,9% restante está no réxime de autónomos. Estas porcentaxes difiren analizando os datos segundo rama de actividade.

Afiliacións á Seguridade Social por réxime e rama

• Transporte de viaxeiros Dentro desta rama o 80,2% das afiliacións pertencen ao réxime xeral, que representa o 12,1% do total de afiliacións, e o 19,8% no réxime de autónomos, que representa o 3% do total de afiliacións no turismo. O transporte de viaxeiros representa o 16,2% do total de afiliacións no réxime xeral do turismo, e o 12% para o caso das afiliacións no réxime de autónomos.

• Servizos de aloxamento Dentro desta rama o 84,2% das afiliacións pertencen ao réxime xeral, que representa o 8,3% do total de afiliacións, e o 15,8% no réxime de autónomos, que representa o 1,6% do total de afiliacións no turismo. Os servizos de aloxamento representan o 11,1% do total de afiliacións no réxime xeral do turismo, e o 6,3% para o caso das afiliacións no réxime de autónomos.

• Servizos de comidas e bebidas Dentro desta rama o 72,4% das afiliacións pertencen ao réxime xeral, que representa o 42,2% do total de afiliacións, e o 27,6% no réxime de autónomos, que representa o 16,1% do total de afiliacións no turismo. Os servizos de comidas e bebidas representa o 56,3% do total de afiliacións no réxime xeral do turismo, e o 64,6% para o caso das afiliacións no réxime de autónomos.

• Outras actividades turísticas Dentro desta rama o 74,4% das afiliacións pertencen ao réxime xeral, que representa o 12,4% do total de afiliacións, e o 25,6% no réxime de autónomos, que representa o 4,3% do total de afiliacións no turismo. As outras actividades turísticas representan o 16,5% do total de afiliacións no réxime xeral do turismo, e o 17,1% para o caso das afiliacións no réxime de autónomos.

Análise provincial

Analizando os datos de afiliación segundo provincia e rama de actividade os resultados varían lixeiramente entre unha provincia e outra:

Afiliacións á Seguridade Social por provincia

Afiliacións á Seguridade Social por provincia e rama

Afiliacións á Seguridade Social por provincia e réxime

• A Coruña O 43,5% do total de afiliación de toda Galicia atópanse na provincia de A Coruña, onde o 75,7% das afiliacións pertencen ao réxime xeral, e o restante 24,3% ao réxime de autónomos. Observando o reparto por ramas de actividade, na provincia de A Coruña o 15,1% das afiliacións son na rama de transportes de viaxeiros, o 8,6% en servizos de aloxamento, o 58,1% servizo de comidas e bebidas e o 18,2% en outras actividades turísticas.

• Lugo O 11,4% do total de afiliación de toda Galicia atópanse na provincia de Lugo, onde o 73,7% das afiliacións pertencen ao réxime xeral, e o restante 26,3% ao réxime de autónomos. Observando o reparto por ramas de actividade, na provincia de Lugo o 12,9% das afiliacións son na rama de transportes de viaxeiros, o 13,6% en servizos de aloxamento, o 58% servizo de comidas e bebidas e o 15,4% en outras actividades turísticas.

• Ourense O 8,9% do total de afiliación de toda Galicia atópanse na provincia de Ourense, onde o 70,4% das afiliacións pertencen ao réxime xeral, e o restante 29,6% ao réxime de autónomos. Observando o reparto por ramas de actividade, na provincia de Ourense o 14,9% das afiliacións son na rama de transportes de viaxeiros, o 8,9% en servizos de aloxamento, o 63,6% servizo de comidas e bebidas e o 12,5% en outras actividades turísticas.

• Pontevedra O 36,1% do total de afiliación de toda Galicia atópanse na provincia de Pontevedra, onde o 75,9% das afiliacións pertencen ao réxime xeral, e o restante 24,1% ao réxime de autónomos. Observando o reparto por ramas de actividade, na provincia de Pontevedra o 15,9% das afiliacións son na rama de transportes de viaxeiros, o 10,5% en servizos de aloxamento, o 57,4% servizo de comidas e bebidas e o 16,2% en outras actividades turísticas.

Metodoloxía

Metodoloxía

Afiliación á Seguridade Social Os datos da afiliación á Seguridade Social ofrecen información sobre traballadores afiliados e movementos de altas e baixas de afiliación ao sistema da Seguridade Social. A excepción da análise temporal levada a cabo (emprega os datos dispoñibles vía web e só recolle ás ramas de servizos de aloxamento, servizos de comidas e bebidas e actividades de axencias de viaxes, operadores turísticos, servizos de reservas e actividades relacionadas con estes) o resto do informe emprega os datos referidas a todas as ramas características do turismo a tres díxitos da CNAE 2009 por trimestres. Deste xeito, dita información segue a mesma estrutura que a dispoñible para a EPA.

Enquisa de Poboación Activa (EPA) A Enquisa de Poboación Activa (EPA) é unha investigación continua e de periodicidade trimestral dirixida á poboación que reside en vivendas familiares do territorio nacional e realizada polo INE dende 1964. O obxectivo desta enquisa é obter datos do mercado de traballo e das súas diferentes categorías (ocupados e parados), pero tamén das persoas alleas ó mercado laboral (inactivos). A EPA publicada proporciona resultados detallados para o conxunto nacional. Para o caso das comunidades autónomas e as provincias ofrece información sobre as principais características.

A metodoloxía da enquisa foi modificada no ano 2005 para adecuarse á nova realidade laboral e demográfica do país, aumento do número de estranxeiros residentes e a incorporación da nova normativa europea elaborada pola Oficina Estatística da Unión Europea (EUROSTAT).

En xullo de 2008 firmouse un convenio de colaboración entre o INE e o Instituto Galego de Estatística (IGE) para a duplicación da mostra da EPA no ámbito territorial da Comunidade Autónoma de Galicia. O obxectivo da ampliación da mostra é permitir a análise da poboación en relación coa actividade económica cunha maior desagregación do que se viña facendo ata o momento. Como resultado deste convenio, a partir do terceiro trimestre de 2009 incorpórase a mostra adicional recollida polo IGE (234 seccións) utilizando idéntica metodoloxía e o mesmo sistema de traballo de campo que o INE.

Os datos da EPA proporcionados polo IGE si nos permiten a desagregación necesaria, a tres díxitos CNAE 2009, polo que se analizan todas as ramas que se consideran características do turismo segundo as recomendacións internacionais.

Glosario de termos

Poboación economicamente activa: conxunto de persoas de idades determinadas que, nun período de referencia dado, subministran man de obra para a produción de bens e servizos económicos ou que están dispoñibles e fan xestións para incorporarse a dita produción. É dicir, comprende a todas as persoas de 16 ou máis anos que cumpren as condicións necesarias para a súa inclusión entre as persoas ocupadas ou paradas.

Poboación ocupada: persoas de 16 ou máis anos que durante a semana de referencia tiveron un traballo por conta allea ou exerceron unha actividade por conta propia.

Persoas con traballo por conta allea (asalariadas) : son as persoas que se poden encadrar nas seguintes categorías:

• Traballando: persoas que durante a semana de referencia traballaron (de forma esporádica ou ocasional), polo menos unha hora a cambio dun salario ou outra forma de retribución conexa, metálico ou en especie

• Con emprego pero sen traballar: persoas que traballaron no seu emprego actual, pero están ausentes do mesmo durante a semana de referencia e manteñen un estreito vínculo con el, vínculo que se determina segundo a crenza do entrevistado en reincorporarse ou non á empresa e de acordo co período de ausencia. Tamén se inclúen as persoas ausentes do traballo por causa de enfermidade ou accidente, vacacións ou licencias de maternidade, mentres que os ausentes por ter contratos fixos descontinuos, por ser traballadores estacionais ou por estar en espera para incorporarse a un novo emprego, considéranse sen emprego

Persoas cunha actividade por conta propia (autónomas): forman parte desta categoría todas as persoas que se inclúan nos seguintes apartados:

• Traballando: persoas que durante o período de referencia traballaron (de forma esporádica ou ocasional) polo menos unha hora a cambio dun beneficio ou ganancia familiar, en metálico ou en especie

• Con traballo pero sen traballar: persoas que durante o período de referencia tiñan algún traballo a cambio de beneficio ou ganancia familiar pero que estiveron de xeito temporal ausentes do mesmo por motivos de enfermidade ou accidente, vacacións, festas, mal tempo ou outros motivos similares

Poboación parada ou desempregada: considéranse paradas as persoas de 16 anos ou máis que reúnan simultaneamente ás seguintes condicións:

• Sen traballo, isto é, que non tiveron emprego por conta allea nin propia durantea semana de referencia

• En busca de traballo, é dicir, que tomaron medidas concretas para buscar un emprego por conta allea ou fixeron xestións para establecerse pola súa conta durante o mes precedente

• Dispoñibles para traballar, isto é, en condicións de comezar a facelo nun prazo de dúas semanas a partir do domingo da semana de referencia

Taxa de paro: cociente entre o número de parados e o total de activos

Taxa de asalarización: cociente entre o número de ocupados asalariados e o total de poboación ocupada

Taxa de temporalidade: cociente entre o número de asalariados con contrato temporal e o número total de asalariados

=========================

Poboación activa (todas as persoas de 16 e máis anos que traballaron ou tiñan emprego a semana de referencia)

• Ocupados (ocupados subempregados por insuficiencia de horas; resto de ocupados): Asalariados + Autónomos

  • Asalariados (asalariado sector público; asalariado sector privado): Indefinido + Temporal

    • Indefinido: Asalariados con contrato ou relación laboral indefinidos (permanente; descontinuo)

    • Temporal: Asalariados con contrato temporal (por circunstancias da produción; de aprendizaxe, formación ou prácticas; estacional ou de tempada; cobre un período de proba; cobre a ausencia total ou parcial doutro traballador; para obra ou servizo determinado; verbal non incluído nas opcións anteriores; outro tipo; non sabe)

  • Autónomos (empresario con asalariados; traballador independente ou empresario sen asalariados; membro dunha cooperativa; axuda na empresa ou negocio familiar; outra situación)

• Parados (parados que buscan primeiro emprego; parados que traballaron antes)

\(Poboación\ activa = Ocupados + Parados\)
\(Ocupados = Asalariados + Autónomos\)
\(Asalariados = Indefinido + Temporal\)