A Enquisa do Turismo en Destino de Galicia (ETDG) ten como finalidade analizar a demanda turística na comunidade autónoma e coñecer así as principais características do turista. A poboación obxectivo son os turistas de 15 ou máis anos con destino Galicia, é dicir, as persoas que pasan a noite en Galicia, fóra do seu entorno habitual, durante un máximo dun ano consecutivo por ocio, traballo ou outras razóns, excluídos aqueles que veñen para realizar un traballo remunerado en destino por unidades residentes.

A ETDG ten como obxectivos principais:

• O proceso de decisión que determina a viaxe
• As características da viaxe e da estadía durante a súa viaxe por Galicia
• A distribución do gasto que leva a cabo o turista en Galicia
• A valoración de Galicia como destino turístico
• O perfil socioeconómico dos turistas en Galicia